ILOILO CITY – Nagpositibo sa COVID-19 ang isa ka pasyente sa Western Visayas Medical Center nga ginkagat sang ido.
Ang pasyente ang residente sang Barangay Balabago, Jaro, Iloilo City.
Sa interview sang Bombo Radyo kay Barangay Kagawad Cecilia Mamades, chair sang Committee on Health sa nasambit nga barangay, iya ginpahayag nga nakibot man ang pamilya kun ngaa positibo ang resulta sang swab test sang pasyente sang nagpacheck-up ini sa ospital.
Nagatinir subong ang lalaki nga pasyente sa quarantine facility kag nagahulat sang resulta sang iya ikaduha nga swab test.
Magluwas sini nga pasyente, may isa ka pa active case sang COVID-19 sa Barangay Balabago nga subong yara naman sa quarantine facility.
Suno kay Mamades, lunsay naman napaidalom sa RT-PCR test kag istrikto nga home quarantine ang pamilya sang duha ka COVID-19 positive nga pasyente.
Hugot man ang monitoring sang barangay officials sa mga returning residents.
