Mahimo sa gihapon nga makuha sang mga tagdaog sang lotto kag keno ang ila nga premyo sa Philippine Charity Sweepstakes Office apisar sa nangin mandu ni Presidente Rodrigo Duterte nga untaton ang tanan nga gaming activities sang PCSO.
Pinaagi sa social media post sang PCSO, ila ginpahayag nga ang tanan nga tagdaog nga valid ang ticket sa sulod sang isa ka tuig nagikan sa draw date ang mahimo nga makuha ang premyo sa PCSO Head Office sa Conservatory Building, Shaw Boulevard sa Mandaluyong City humalin las-8:15 sa aga tubtob las-4:30 sa hapon, Lunes tubtob Byernes umpisa subong nga adlaw.
Nahibaluan nga nag-umpisa gilayon ang mga kapulisan sa paglibot sa tagsa ka mga lugar agud siguraduhon nga nasirado naang mga lotto kag small town lottery outlets.
Ang PCSO ang main government agency nga nagahatag sang pondo para sa health programs, medical assistance and services kag charities.
