Indi na kinahanglan pa sang tagdaog nga magkadto sa balay sang iya kasilingan agud magpamati sang Bombo Radyo bangud nabaton na niya ang Limited Edition Commemorative radio set nga may logo 55th Anniversary sang Bombo Radyo Philippines kag 200 pesos cash sang Radyo Para sa mga Ilonggo.
Sa interview sang Bombo Radyo kay Noemi Jean Ocampo sang West Timawa, Molo, Iloilo City, iya ginpahayag nga wala sila sang radyo sa ila balay gani tuman na lang ang iya pagpasalamat sang nabunutan ang iya nga pangalan bilang tagdaog.
Halin sadto suno sa iya, Bombo Radyo lang ang iya nga ginapamatian bangud una, madasig kag insakto ang mga impormasyon.
Ang limited edition commemorative radio set nga may 55th anniversary logo sang bombo radyo philippines, hindi peke, bangud wala ini sang fixed dial, wala naka quarantine ukon wala na lockdown sa isa lang ka waragwagan, wala nakapon ukon wala nahigot sa isa lang ka istasyunan, wala na welding sa isa lang ka dial, pwede magamit bisan diin mo dal-on nga lugar kag makapamati ikaw sa imo paborito nga waragwagan.
Ang Radyo para sa mga Ilonggo, kabahin sang ika 55 nga aniversaryo sang Bombo Radyo Philippines.
