ILOILO CITY – Dakop ang isa ka establisyemento komersyal ukon KTV bar nga naga-operate kag nagaserbe sang makahulubog nga ilimnon sa Buhang, Jaro, Iloilo City.
Sa interview sang Bombo Radyo kay Mr. Nestor Canong, pinuno sang Task Force on Morals and Values Formation kag miyembro sang compliance team sang Iloilo City Government, iya ginpahayag nga indi lamang ilimnon ang natukiban nga ginaserbe bangud may yara sang spa sa ikaduha nga panalgan sang establisyemento.
Nahibaluan man suno kay Canong nga wala sang lisensya ang ila nga physical therapist.
Pahayag ni Canong, nasapwan man nila sa sulod sang nasambit nga bar nga madamo sang nagapanigarilyo kag wala sang social distancing.
Dugang pa sang natungdan nga ginpahayag man sang tag-iya nga ipasirado nalang ang ila nga bar.
