Nanindugan ang kampo ni Senator Loren Legarda nga may matuod ini nga sakit kag nagapabulong subong sa France.
Suno kay Atty. Tony La Viña , spokesperson ni Legarda, may ara sang ginasuprer nga sakit ang senadora.
Wala naman ginpangalanan sang tagpamaba sini kun ano nga sahi ini sang sakit.
Gin-athag man ni La Viña nga wala naga-imbento ang senadora agud takasan ang mga ginaangot sa iya.
Suno pa sa iya nga plano man sang anak sang senadora nga si Batangas Representative Leandro Leviste nga dungan sila nga magapauli sa pungsod sang iya nga iloy.
Sa matandaan nga nag-file sang medical leave si Legarda sadto sang masobra isa ka bulan kag wala nagtambong sa nagapadayon nga Impeachment Trial ni Vice President Sara Duterte.
Nahibaluan nga nagapangatubang si Leviste sa kaso bangud sa anomaliya sang solar energy company nga ginapanag-iyahan sini.
