ILOILO – Nagakadapat nga tahuron kag mag move-on na sa nangin resulta sang eleksyon.
Ini ang pahayag ni outgoing Iloilo 1st District Cong. Richard Garin tuhoy sa pagaklutos sang ka-partido nga si Iloilo 4th District Cong. Ferjenel Biron sa gubernatorial race.
Sa interview sang Bombo Radyo kay Cong. Garin, iya ginpahayag nga dapat nga tahuron ang desisyon sang pumuluyo.
Ginpahayag man ni Cong. Garin nga makaligad sang tatlo ka tuig, magala-in naman ang mga pulitiko nga magaserbe sa gobyerno.
Kun ano man nga mga sirkumstansya suno sa mamalidha, nagakadapat nga atubangon ini sang tagsa ka pulitiko, nalutos man ukon nagdaug.
Sa baylo nga magbinahin-bahin, dapat suno sa natungdan nga maghugpong ang tanan nga pulitiko para sa kauswagan sang probinsya sang Iloilo.
