Desidido ang Taiwan nga magmato-mato sa pagpabaskog sang ila kapasidad sa militar ilabi na samtang nagahilapit ang pagbalik ni US President-elect Donald Trump sa pwesto sa White House.
Talalupangdon ang pagpabaskog sang depensa sa Taiwan sa naglinigad nga tinuig bangud sa pamahog sang China apang may isa pa gid ka rason nga naga-pressure sa ila nga pabakuron pa ang defense capabilities.
Sang kandidato pa lamang si Trump, ginpamangkot ini kun depensahan sini ang Taiwan nga gina-claim sang China nga parte pa sang ila teritoryo.
Sabat ni Trump, kilala sini kag gina-respeto ang mga tawo, apang ginsiling sini nga ginkuha sang Taiwan ang 100% sang chip business sang US.
Gindugang man sini nga dapat magbayad ang Taiwan sa sini nga depensa nga ginahatag sang Amerika.
Daw kaangay suno kay Trump nga isa ka insurance company ang Estados Unidos kag wala man sang ginahatag nga bisan ano ang Taiwan sa ila.
Nahibaluan nga ang US amo ang daku nga partner sang Taiwan kag isa man ka major provider sang kinahanglanon sini nga mga hinganiban.
Kun matandaan, sang damlag lang, nagpasar ang Washington sang multi-billion-dollar military aid package para mabuligan ang Taiwan nga batuan ang tension dala sang China sa amo nga region.
Isa man ka major powerhouse ang Taiwan sa semiconductor industry nga naga-produce sang majority sang advanced microchips nga kinahanglan agud i-power ang global economy.
Kasunod sini, nagsabat si Taiwanese Premier Cho Jung-tai nga may ginahimo man nga mga tikang ang Taipei agud nga mapataas ang ila defense budget sa sulod na sang pila ka tuig.
Gin-athag man sini nga mapag-on ang relasyon sang Taiwan kag Estados Unidos sa sulod na sang tinuig kag ginakabig suno sa iya nga common responsibility kag goal ang pagpabilin sang kalinong kag stability sa Taiwan Strait kag Indo-Pacific region.
“Our commitment to strengthening our own defense capabilities will only be higher, not lower,” suno naman sa senior national security official sang Taiwan.
“While we do not have any list (of planned weapon acquisitions) with Trump’s team, new progress or discussions… Taiwan is very willing to have further discussions with like-minded partners, especially the US, on how to enhance Taiwan’s self-defense capabilities,” dugang sang official.
Sang nagdaog si Trump, nagpanginbulahan man ang Taiwan kaupod sa iban nga world leaders.#
