Magapatigayon ang tatlo ka miyembro sang popular nga Taiwanese boy group nga F4 sa isa ka espesyal nga concert sa Pilipinas sa sini nga bulan.
Ini ginalakipan nanday Jerry Yan, Vanness Wu kag Vic Chou nga patigayunon sa Hunyo 27 sa Philippine Arena sa Bulacan.
Makaupod man sa concert si Ashin, ang bokalista sang Taiwanese rock band nga Mayday.
Lakip sa mga kanta nga ila pagakantahon amo ang bag-o nga “Forever Forever,” kag ang “Always Be My Bro.”
Mabati-an man liwat sang mga fans ang mga kilala nga kanta sang F4 pareho sang “Di Yi Shi Jian,” kag “Meteor Rain,” lakip na ang solo performances sang tagsa ka artist.
Nahibaluan nga bantog ang F4 sa bug-os nga Asya sa bahin sang dekada 2000 matapos nila gindala ang karakter sang fictional group nga F4 sa hit Taiwanese drama nga Meteor Garden, nga nangin isa ka pop culture phenomenon sa pungsod.
