Nagtinapungulay kag naghaboyanay sang botelya ang mga mamumugon sa Taiwan gikan sa oposisyon kag sa partido bangud sa nominasyon sa mangin pinuno sang talatapan nga magabantay sa korapsyon sa mga ahensya sang gobyerno.
Sa ginpost nga video sang Agence France Presse, makit-an ang tinapungulay kag haboyanay sang botelya sang tubig sang mga mamumugon gikan sa ruling party nga Democratic Progressive Party kag oposisyon nga Kuomintang.
Nagwangal ang grupo sang Kuomintang sang gin-rekomenda ukon gin-nominate sang Democratic Progressive Party bilang pinuno sang government watchdog nga Control Yuan ang ila kapartido nga si Chen Chu.
Magluwas sa mainit nga diskusyon sang mga mamumugon, may natabo man nga hublag protesta sa guwa sang talatapan agud nga pamalabagan ang nominasyon ni Chu.
Gin-akusahan man sang oposisyon nga kadam-an sa mga 27 nga ginrekomenda nga mangin myembro sang Control Yuan ang may koneksyon sa Democratic Progressive Party.
