Talatapan sang LTO-6, ginhabuyan sang granada; reg'l director nagapati nga pamahog sa iya

ILOILO CITY – Ginhabuyan sang granada ang talatapan sang Land Transportation Office (LTO) Region 6 sa Barangay Tabuc Suba, Jaro, Iloilo City.
Sa interview sang Bombo Radyo Iloilo, ginpahayag ni LTO Regional Director Roland Ramos nga posible pamahog ini sa iya bangud sang ginhaboy ang MK2 fragmentation grenade, pila ka minutos matapos siya nagsulod sa compound sang LTO.
Suno kay Ramos, bag-o lang siya kasulod sa compound sang LTO kun sa diin ang iya barracks, sang may mabatian nga ginhaboy kag nagginual na sa guwa.
Apang ginpahayag ni Ramos nga wala siya sang may nabaton nga pamahog sa kabuhi ukon nakompronta nga tawo antes ang insidente.
Ginpahayag naman sang guwardiya sa LTO nga may naglabay nga motorsiklo kun sa diin sakay ang duha ka tawo, kag may ginhaboy sa sulod sang compound.
Sang iya gin-tsekyar, nakita sini ang granada nga naputos sang tape kag wala na sang primary safety pin.