Ginpangsab-it sang mga Taliban ang bangkay sang apat ka mga ginaalegar kidnappers sa western city sang Herat sa Afghanistan bilang “warning” sa publiko.
Gindisplay para sa public view ang mga bangkay nga yara sa crane matapos ang mga ini napatay sa natabo nga shootout.
Suno kay Mawlawi Shir Ahmad Muhajir, deputy governor sang Herat province, ang bangkay sang mga lalaki ang gin-display sa nagkalain-lain nga mga pampubliko nga lugar agud nga magserbe leksyon nga ang pagpang-kidnap ang wala ginatolerar sa Afghanistan.
Madamo naman sang mga tawo ang nagtipon sa main square sang Herat City sa diin nakasab-it sa crane ang bangkay.
Humalin sang Agosto 15, ang adlaw nga nakuha sang Taliban ang gahom sang gobyerno, nangako sila sang mas halog nga sahi sang pagdumala sa pungsod indi kaangay sadto nga tuman ka hugot.
Apang may pila na ka mga reports sang human right abuses subong nga nagaguwa nga nagakatabo na ini sa nasambit nga pungsod.
