Gin-akusaran sang top officials sa West Coast states sa Estados Unidos si President Donald Trump nga nagapanginwala nga climate change ang rason kun ngaa natabo ang wildfire sa diin 31 na ang patay.
Suno kay Los Angeles Mayor Eric Garcetti, insulto para sa mga taga-California ang nangin pahayag ni Trump nga forest management kag indi global warming ang kabangdanan sang sunog.
Ginmanduan man sang alkalde ang presidente nga mag-istorya sa bombero kun para sa iya indi matuod ang climate change.
Dugang pa sang natungdan, ang kinahanglan sa subong sang Estados Unidos amo ang pagpangita sang paagi kag pagpatuman sini bangud agud nga mabuhinan na ang carbon emissions.
