Tamudyos nag-umpisa na sa pagnubo sang presyo kasunod sang paglift sang fishing ban

Nag-umpisa na sa pagnubo ang presyo sang tamudyos kasunod sang paglift sang “fishing ban” sa nagakalain-lain nga bahin sang pungsod.

Suno kay Bureau of Fisheries and Aquatic Resources (BFAR) Executive Director Eduardo Gongona, base sa latest report, ang tamudyos subong ang nagabalor sang P180 tubto P200 ang kada kilo.

Ini ang nagnubo ipaanggid sa P240 kada kilo sadto.

Pahayag niya, nagtaas ang presyo sang tamudyos sadto bangud sa “conservation measures” nga ginpatigayon kaangay sang tatlo ka bulan nga “closed fishing season”.