Sa tunga sang huring-huring sang pila ka mga pumuluyo sa seguridad sang coronavirus disease (COVID-19) vaccines, ginpasigurado sang Department of Health (DOH) nga handa ang bilog nga ahensya nga una nga mahatagan sini sa tion nga mag-abot na sa Pilipinas ang bakuna.
Suno kay Health Undersecretary Maria Rosario Vergeire, nakahanda sila ni Health Secretary Francisco Duque III kag mga opisyal sang ahensya agud mapamatud-an nga safe ini kag wala sang malain nga epekto.
Apang suno kay Vergeire, magaagi anay sa maid-id nga pagpanalawsaw sang mga eksperto ang bakuna antes ini aprubahan nga gamiton sa Pilipinas.
“[Si Health Secretary Francisco Duque III] at ang buong Department of Health… ay bukas po tayo. Talagang kung kailangang tayo ang dapat mauna sa pagpapabakuna ay magpapabakuna po tayo,” pahayag ni Vergeire.
Gin-ako man sang natungdan nga madamo sa subong ang nahadlok bangud sa kontrobersiya sang Dengvaxia vaccine sang tyempo ni anay Health Secretary Janette Garin kag sa administrasyon ni Presidente Benigno Aquino III sa diin ginabasol sila sa kamatayon sang pila ka mga estudyante.
Sa tion nga maaprubahan na sa Pilipinas ang mga bakuna, lakip sa mga prayoridad nga mahatagan sini amo ang mga masunod:
-Frontline health workers
-Public health workers
-Provincial health offices
-Contact tracers
-Barangay health workers
-Pigado nga senior citizens
-Pigado nga pumuluyo
-Philippine Army
-Philippine National Police
-Philippine Coast Guard
-Bureau of Fire Protection
-Department of Social Welfare and Development
-Department of Education
-Department of the Interior and Local Government
- Bureau of Jail Management and Penology and Bureau of Corrections
