Mainit ang pag-umpisa sang tandem sang Filipina tennis star nga si Alex Eala kag Grand Slam champion nga si Coco Gauff sa 2025 Italian Open doubles tournament.
Nagdaog si Eala kag si Gauff batok kanday Alexandra Panova sang Russia kag Fanny Stollár sang Hungary sa score nga 6-3, 6-1, sang Sabado, kun sa diin isa ini ka mabaskog nga performance para sa una nga pagpareha sang duha.
Pagkatapos sang 2-2 nga deadlock sa una nga set, tatlo ka sunod-sunod nga hampang ang ila nakuha, kag gikan didto nagpadayon na ang ila pagdominar tubtob sa katapusan.
Para kay Eala, isa ini ka maayo nga rebound matapos ang mapyerde batok kay Marta Kostyuk sa singles tournament.
Sunod nga makaatubang sang Eala-Gauff tandem amo ang magadaog sa tunga sang pares nga Tyra Grant kag Lisa Pigato sang Italy, kag Irina Khromacheva sang Russia kag Anna Danilina sang Kazakhstan sa round-of-16.
