ILOILO CITY – Ginpablotter sang Punong Barangay sang Flores, Iloilo City ang pagguba sang Task Force on Anti Squatting and Illegal Structures Unit sang Tanod Outpost bilang kabahin sang Oplan Hawan.
Sa interview sang Bombo Radyo kay Punong Barangay Angelita Umadhay sang nasambit nga lugar, iya ginpahayag nga wala man siya nagapamatok nga gub-on ang tanod outpost apang ang iya nga pagpablotter ang para sa record purposes lamang.
Suno kay Umadhay, sa iya nga assessment, 100% cleared na ang ila lugar gikan sa mga obstruction.
Ginpahayag ni Umadhay nga ang mga nagabolante nga manugbaligya ang nagapahamtang sang pwesto sa higad sang dalan sa tion sang Dominggo.
Iya gid nga ginasuportahan suno kay Umadhay ang Oplan Hawan bangud nga para man ini sa kaayuhan sang tanan.
Magluwas sa Oplan Hawan, ginpahayag sang natungdan nga lakip man sa iya ginatutukan amo ang proper waste disposal kag ang pagtapna sang illegal drugs sa ila lugar.
