Patay ang isa ka barangay tanod kag pilason ang tatlo ka iban pa matapos ginbungguan sang pickup truck nga ginamaneho sang hubog ang tatlo ka mga salakyan sa Manila-Cavite Road, Barangay 8, Dalahican, Cavite City.
Ang napatay nga biktima amo si alyas “Ismael”, 29-anyos, residente sang nasambit nga lugar.
Base sa imbestigasyon,nagalakat lang ang tanod sang gin-arado sang truck ang mga salakyan kag nalab-ot gid ini.
Arestado naman ang driver sang pickup truck nga si alyas “Rolven” nga nagapangatubang sang sampaw-sampaw nga kaso.
Ginapahayag nga natulugan ang driver bangud sa kahulugbon nga nagresulta sa trahedya.
Ginabulong naman sa ospital ang mga pilason.
