ILOILO CITY- Patay ang barangay tanod sang Supanga, Calinog, Iloilo matapos nga nabun-an.
Ang biktima amo si Pascualing Castanja, 54 anyos, samtang ang suspek amo si Angelo Jose Sibuna, 23 anyos, lunsay residente sang amo nga lugar.
Sa interview sang Bombo Radyo kay PLt. Jorge Lenantud, Public Information Officer sang Calinog Municipal Police Station, iya ginpahayag nga samtang nagalibot sa lugar ang tanod, hinali lang ini nga ginlambatan kg ginbuno sang suspek.
Naigo ang biktima sa too nga bahin sang iya dughan nga gintunaan sang iya kamatayon.
Gilayon naman nga nagpalagyo ang suspek.
Padayon pa ang hot pursuit operation agud madakpan ang suspek.
Wala pa matumod ang motibo sa krimen.
