ILOILO CITY – Magapabilin ang target nga tourist arrivals sang Department of Tourism (DoT) Region 6 para sa tuig 2018.
Sa pihak ini sang natalana nga pagpasirado sa isla sang Boracay para sa rehabilitasyon.
Suno kay DoT director Atty. Helen Catalbas, ang bag-uhon lang nga target sa tourist arrival amo ang para sa isla sang Boracay.
Nagasalig naman si Director Catalbas nga malab-ot gihapon sang Western Visayas ang 5.5 million nga tourist arrivals subong nga tuig.
Nahibaluan nga gikan sa amo nga target, 1.6 million kuntani ang gikan sa probinsiya sang Aklan.
Apang ginpasiguro sang DoT nga sa pihak sang pagpasirado sang Boracay, magabuligay ang iban pa nga probinsiya agud iduso ang iban nga tourist sites sa rehiyon agud maka-engganyo sang turista kag malab-ot ang target nga tourist arrivals.