ILOILO CITY- Gindoble pa sang Task Force on Anti-Squatting and Illegal Structure Unit (ASISU) ang pagtinguha nga matigayon nga mahawanan ang bilog nga syudad sang Iloilo gikan sa mga obstruction.
Ini bangud lima ka adlaw na gid lang ang nabilin antes ang deadline nga ginhatag ni Presidente Duterte kaangot sa iya mando nga ibalik sa motorista ang mga dalanon sa bilog nga pungsod.
Suno kay Mr. Love Joy Hosenilla, pinuno sang Task Force on Anti-Squatting and Illegal Structure Unit (ASISU) , iya ginpahayag nga kaina sang aga, ila ginhawanan ang brgy General Hughes sa Iloilo City Propoer, kag brgy West Timawa kag Habog-habog sa Molo.
Sa subong suno kay Hosenilla, yara na sa 87 porsyento ang ila natapos sa clearing operation sa bilog nga syudad.
