ILOILO CITY- Ginhingagaw gid sang Task Force on Anti Squatting and Illegal Structures Unit ang pagpatigayon sang Oplan hawan sa syudad sang Iloilo.
Ini isa ka adlaw antes ang pagtakop sang plaso nga ginhatag ni Presidente Rodrigo Duterte para sa paghawan gikan sa mga obstruction sang tanan nga mga dalanon sa bilog nga pungsod.
Sa interview sang Bombo Radyo kay Love Joy Hosenilla, pinuno sang Tak Force on Anti Squatting and Illegal Structures Unit, iya ginpahayag nga isa ka adlaw antes ang deadline, madamo gihapon sang mga salawayon nga barangay nga wala nagakooperar.
Suno kay Hosenilla, may mga barangay nga na-clear na sadto apang wala ginamintinar sang mga barangay officials.
Gintumod ni Hosenilla ang barangay Bagumbayan kag Maria Clara sa Iloilo City Proper bilang ulugtasan.
Gindayaw naman niya ang Veterans Village kag Buntatala bangud sa pagkooperar sa clearing operations.
Santo naman sa assessment ni Hosenilla, yara na sa masobra 90% ang clearing operations sa syudad sang Iloilo.
Nahibaluan nga bilog nga adlaw nga nagpatigayon sang clearing operations ang Iloilo City Government bangud kutob na lang buas ang ginhatag nga plaso sang Presidente.
