ILOILO CITY- Naghingagaw pa sa pag-operate ang Anti-Squatting and Illegal Structures Unit antes ang validation sang City Department of Interior and Local Government sa road clearing 2.0 sa syudad sang Iloilo.
Sa interview sang Bombo Radyo kay Mr. Love Joy Hosenilla, head sang Anti-Squatting and Illegal Structures Unit, iya ginpahayag nga kalabanan sa ila mga napangkuha nga mga road obstruction amo ang mga lamesa, mga bangko, kag traysikad.
Nahibaluan nga subong man nga adlaw ang validation sang Iloilo City Department of Interior and Local Government sa road clearing 2.0.
Suno kay Hosenilla, nagasalig sila nga makapasar ang syudad sa validation bangud wala man sila nagapabaya sa pagpanghawan sa mga dalanon sang syudad.
Matandaan nga Pebrero 15 ang deadline nga ginhatag sang Department of the Interior and Local Government (DILG) sa tanan nga local government units (LGUs) para sa Road Clearing 2.0 kag ang validation ang nagsugod sang Pebrero 16 kag magatakop sa Marso 2.
