Iloilo City – Aktibo nga gina-monitor sang Task Force Boltahe ang mga public plaza, eskwelahan, government offices, market, street lights, kag parol pananglitan may matabo nga fire incidents.
Sa interview sang Bombo Radyo kay Bernard Bierneza, Liaison Officer kag Electrician II sang Task force boltahe, iya ginpahayag nga ginabugusan sang team ang nasambit nga task force nga nagalibot sa siyudad agud tsikyaron ang kahimtangan sang mga parol kag suga kun ara ini sa maayo nga kondisyon.
Suno sa natungdan, ang task force amo man ang naga-conduct sang monitoring sa mga tagsa ka panimalay kun bala ang installation sang kuryente ang nagasunod sa sakto nga electrical standard safety.
Ginapanugyan naman ni Bierneza ang publiko nga likawan ang octopus wiring ukon ang pagbuta saksak sa salaksakan agud makalikaw sa sunog.
