ILOILO CITY– Buhion sang Iloilo City Government ang Task Force Hot Meat.
Sa interview sang Bombo Radyo kay Ariel Castañeda, head sang Local Economic Enterprise Office, iya ginpahayag nga tungdan sang task force ang pagpasiguro nga safe, malimpyo, kag insakto ang pag-ihaw sa ginabaligya nga mga karne sang sapat sa merkado kag mauntat na ang backyard nga pag-ihaw.
Suno kay Castañeda, magapadala ini sang sulat kay Iloilo City Mayor Jerry Treñas agud liwat nga i-activate ang nasambit nga task force.
Ginpahayag sang natungdan nga sang nagligad nga Marso pa sang ulihi nga nangin aktibo ang task force apang gin-untat sang nagligad nga eleksyon.
