ILOILO – Indi sigurado si Liga ng mga Barangay President kag ex officio member Dorothy Paes nga may yara na sang task force on coronavirus nga gintukod sa kada barangay sa mga kabanwahanan sa probinsya sang Iloilo.
Ini ang may kaangtanan sa ginmandu sang Department of Interior and Local Government sa Local Government Unit nga magtukod sang task force on coronavirus agud masiguro nga wala sang tawo nga mahalitan sang nasambit nga balatian.
Sa interview sang Bombo Radyo kay Board Member Paes, iya ginpahayag nga ginpadal-an niya ang tanan nga Liga mga Barangay President sa kada banwa sang information campaign agud gamiton sang task force on coronavirus.
Suno kay Paes, naka hatag naman siya sang radio message sa mga liga ng mga barangay president may kaangtanan kun paano malikawan ang coronavirus disease.
Mismo ang mga liga ng mga barangay president na ang nag-disseminate sang impormasyon sa punong barangay agud nga mapaalinton man ang mga pumuluyo.
Sa subong, nagahulat na lang si Paes sang reports sang mga punong barangay kun bala may yara sang persons under investigation ukon persons under monitoring sa ila tagsa ka mga lugar.
