ILOILO CITY– Padayun ang ginahimo nga paglibot sang Task Force on Moral and Vaues Formation may kaangtanan sa ila spot inspection, agud malikawan ang pagsulod sang mga minor de edad sa mga motels, inns kag lodging houses.
Sa interview sang Bombo Radyo kay Nestor Canong, pinuno sang nasambit nga task force, iya ginpahayag nga magapadayon ang ila monitoring agud mapahagan-hagan ang numero sang teenage pregnancy sa syudad.
Suno kay Canong, nagalaum sila nga magabulig man sa ila monitoring sa mga menor de edad ang mga transport groups kaangay sang asosasyon sang taxi drivers.
Magluwas diri suno kay Canong, nagahingyo man sila nga kun tani madugangan ang katapo sang task force agud mas mapasanyog pa ang ila kampanya.
Dugang pa sang natungdan, naga-apelar ang ila talatapan sa mga ginikanan, nga kuntani bantayan kag hatagan sang atensyon ang ila mga kabataan, ilabi
na sa mga personal nga problema.
