ILOILO CITY– Plano sang Task Force on Moral and Values Formation kag ni Iloilo City Mayor Jerry Treñas ang paghatag sang legal nga palangabuhian sa mga bugaw sa syudad sang Iloilo.
Sa interview sang Bombo Radyo kay Mr. Nestor Canong, pinuno sang nasambit nga Task Force, iya ginpahayag nga kadam-an sa mga bugaw ang nagasulod sa nasambit nga trabaho bangud man sa wala sang trabaho nga mahimo masudlan lakip na ang kakulang sa pinansyal nga aspeto sapagpangabuhi.
Suno kay Canong, ginapasigurado lang niya nga indi na maglapta ang mga balatian sekswal nga mahimo makuha sang mga bugaw kag sang ila customers.
Sa pagkamatuod suno sa natungdan, kun may yara lang sang iban nga palangabuhian, ang iban sa mga bugaw ang indi na magpadayon sa ila trabaho.
