Hugot nga ipatuman sang Task Force on Moral Values Formation ang monitoring sa mga kabataan ilabi na ang mga menor-ede-edad kadungan sa kapiestahan ni Nuestra Señora de la Candelaria de Jaro.
Sa interview sang Bombo Radyo kay Nestor Canong, Head sang Task Force on Moral Values Formation, iya ginpahayag nga hugot man ang pagpatuman sang curfew hours ilabi na sa mga kabataan kon tungang gab-i.
Suno kay Canong, dapat nga giyahan sang ginikanan ang ila mga kabataan agud nga indi maka-engage sa mga iligal nga aktibidad.
Nagkooperar man ang talatapan sa tagsa ka mga punong barangay kag mga tanod agud nga mapatuman ang nasambit nga pagsulundan.
Nagpakig-angot man ini sa kapulisan agud nga maka-deploy sang police visibility sa palibot sang Jaro.
Gin-athag man sang natungdan nga tinutuyo lamang sang Task Force on Moral Values Formation nga indi maimpluwensyahan sang malain nga aktibidad ang kapyesatahan ni Nuestra Señora de la Candelaria de Jaro.
