ILOILO CITY – Nagalaum ang City Veterinary Office nga matukod na sa Marso ang taskforce nga amo ang hugot nga maga-monitor sa mga nagapaihaw sang baboy sa syudad.
Ini agud matapna ang paglapta sang African Swine Fever (ASF) sa hog industry sa syudad sang Iloilo.
Sa interview sang Bombo Radyo kay Dr. Tomas Forteza, pinuno sang City Veterinary Office kag focal person sang City Government sa ASF, iya ginpahayag nga ang katorse ka tawo nga gin-hire ni Iloilo City Mayor Jerry Treñas amo ang i-designar sa monitoring kag surveillance sa mga merkado kag barangay sa syudad sa diin may ginabaligya nga karne sang baboy.
Suno pa kay Forteza, subong nga semana, may yara na sang mga manugbaligya sang baboy nga ginhatagan sang final warning bangud santo sa assessment nga ginpatigayon sang pamunuan, natukiban nga wala ang mga ini sang meat inspection certificate.
Lakip sang nahatagan sang final warning amo ang isa ka manugbaligya sa Mansaya, Lapuz; tatlo sa San Juan, Molo; isa sa Calumpang, Molo; isa sa Mandurriao; kag isa sa Gustilo, La Paz.
Suno kay Forteza, naglapas sa pagsulundan ang mga manugbaligya bangud wala ini nag-agi sa inskato nga proseso sang pagpaihaw sa Iloilo Slaughterhouse.
Nagpaandam man ang opisyal nga ipasaka na ang nagakaigu nga kaso sa tion nga ma-monitor pa ang mga ini nga padayon nga nagabaligya sang karne sang baboy apisar wala sang meat inspection certificate.
