ILOILO CITY – Ginakabig nga opurtunidad para sa National Grid Corporation of the Philippines ang nagluntad nga tatlo ka adlaw nga power interruption sa katapusan nga semana sang Abril subong nga tuig.
Sa interview sang Bombo Radyo kay Rene G. Sison, Panay ACC Supervisor, iya ginpahayag nga bangud sang natabo, madamo sang nahibaluan ang ila nga ahensya.
Wala na gindetalye pa sang natungdan ang iya nga pahayag.
Dugang pa niya, gin-akusaran sila sang Senado nga “one button away” lamang apang suno sa iya, indi ina matabo.
Nagpasalig man ini nga indi na magluntad liwat ang tuman ka lawig nga power interruption.
Gin-athag man niya nga ang power interruption ang indi malikawan bangud nga exposed sa environment ang transmission line.
