Ginpasakaan sang tatlo ka kaso ang doktor nga nagpakilala himata ni Mayor Raisa Treñas kag nag-hit and run sa Distrito sang La Paz kaagahon sang Oktubre 11.
Suno kay Police Major Sonny Boy Garnace, hepe sang ICPS 2, Direct Assault kag Attempted Homicide with the use of Motor Vehicle ang kaso nga ila i-file batok sa doktor.
Samtang, pasakaan naman sang kaso nga Reckless Imprudence Resulting to Damage to Property sang Traffic Enforcement Unitang suspek base man sa kompirmasyon ni Chief, Lieutenant Colonel Nathaniel Florendo
Suno kay ICPO Director Pcol. Wilbert Parilla, sang nagtuyo na nga magpalapit ang mga police personnel, didto man kag nagpalagyo ang suspek nga nangin rason sang pagpalupok sa iya sang mga kapulisan.
Gin-athag man sang kapulisan nga ila lamang ginpatigayon ang nasambit nga aktwasyon agud pauntaton ang suspek sa iya nga ginahimo.
Naigo naman sa tyan ang driver nga subong nagapabilin sa Intensive Care Unit kag naka-hospital arrest.
Gin-athag man ni Parilla nga apisar may ara sang sala nga nahimo ang suspek, gina-prioritize man nila sa gihapon ang kahimtangan sini.
