ILOILO CITY- Nagtaliwan bangod sa COVID- 19 ang isa pa gid ka madre sa Convent of Carmelite Missionaries sa Lopez Jaena, La Paz, Iloilo City.
Ini na ang ikatatlo nga madre nga napatay bangod sa COVID-19 sa amo nga kombento.
Sa interview sang Bombo Radyo kay Mr. Jeck Conlu, spokesperson sang COVID-19 team sang Iloilo City Government, iya ginpahayag nga ang napatay nga 82-anyos nga madre ang kabahin sang walo ka mga madre nga gindala sa ospital matapos nakaeksperyensiya sang mga sintomas sang COVID-19.
Matandaan nga 24 ka madre kag 9 ka staff sang kombento ang nalatnan sang virus.
Nagapabilin naman nga naka- quarantine sa amo nga kombento ang nabilin nga asymptomatic nga mga madre kag staff.
