ILOILO CITY – Dakup ang tatlo ka mga pamatan-on lakip na ang subject sa drug bust operation sa Jereos St., Lapaz, Iloilo City.
Ang operasyon ang ginpangunahan sang City Drug Enforcement Unit (CDEU).
Ang subject amo si Michael Villarete, 18 anyos sang Balabago, Jaro kag ang duha niya nga kaupdanan amo sanday Joshua Caputli, 21 anyos sang Sooc, Arevalo kag Edson Macahindog, 20 anyos sang Alalasan, Lapuz.
Sa interview sang Bombo Radyo kay Police Senior Master Sergeant Alfred Tilano, team leader sang CDEU, iya ginpahayag nga usisaon niya ang subject bangud nakit-an sa iya cellphone nga may yara siya sang ka-transaksyon nga si “Bro James” nga ginakuhaan sang droga sa Lapaz.
Suno kay Tilano, ginakabig nga newly identified drug personality ang subject.
Nakuha sa posisyon sang tatlo ka mga nagkaladakpan ang pito ka sachets sang suspected shabu.
