Tatlo ka mga pulis ang ginbawian sang kabuhi matapos nga nagkulob ang ila sakayan bangud sa mabaskog nga sulog sang suba sa Barangay Lubong, Langnao, Calanasan, Apayao, sang Disyembre 6, 2024.
Ang mga biktima amo sanday Patrolman Halterlic Pallat, Patrolman Resty Bayog, kag Patrolman John Lorenzo Togay-an Jr.
Sa interview sang Bombo Radyo kay Police Lieutenant Brendon Batoon, Deputy Chief sang Calanasan Police, iya ginpahayag nga ang mga opisyal ang kabahin sang walo ka miyembro nga team halin sa 2nd Apayao Provincial Mobile Force Company nga nagapatigayon sang follow-up investigation kag nagaserbe sang arrest warrant sa isa ka shooting case.
Bangod sang mabaskog nga pag-ulan, nagbaskog ang sulog sang suba rason nga nagbaliskad ang sakayan kag naluwas ang lima ka mga opisyal samtang tatlo ang nadula.
Narekober sang mga otoridad kag mga volunteers ang bangkay ni Patrolman Pallat sa Kabugao sang Disyembre 6 kag ang kay Patrolman Bayog sa Barangay Musimut sang Disyembre 7.
Sang aga sang Disyembre 8, nasapwan ang bangkay ni Patrolman Togay-an sa Barangay Lower Atok, Flora, Apayao.
Ang mga bangkay nanday Patrolmen Pallat kag Bayog ginbalik na sa ila mga pamilya, kag ang bangkay ni Togay-an ginalauman nga magasunod sa indi madugay.
