ILOILO CITY – Lunsay pilason ang sakay sang Montero Sports matapos nga makabunggo sa naka-park nga Nissan Navarra sa Brgy. Napnapan Sur, Tigabuan, Iloilo.
Ang mga biktima ginkilala nga sanday, Wilbert Torremoro, 38-anyos sang Brgy. Atabayan, Tigbauan, Ellyzier Torremoro, 35-anyos kag Joel Taldelore, 38-anyos sang Barroc, Tigabauan.
Sa interview sang Bombo Radyo kay Pol Maj Rolando Araño, hepe sang Tigbauan Municipal Police Station iya ginpahayag nga pauli na kun tani ang salakyan nga ginamaneho ni Torremoro sang nasalakay nila ang naka-park nga salakyan sa tubang sang Napnapan Elementary School kag nag sirko ang ginasakyan nila.
Suno kay Araño, ginapahayag naka inom ang driver lakip man ang iya mga kaupdanan bangud nagbisita sila sa ila abyan sa Brgy. Linubayan, Tigbauan, Iloilo.
Gilayon naman nga ginpadangat sa ospital ang mga biktima nga maswerte nga nag agom lang sang minor injuries.
