Patay ang tatlo ka mga suspek sa pag-ambush sa salakyan ni Shariff Aguak Mayor Akmad Ampatuan samtang nagapauli ini sa iya nga balay sa probinsya sang Maguindanao del Sur kahapon nga adlaw Enero 25.
Base sa mga impormasyon, isa ka rocket proppeled grenade ukon RPG 7 ang gingamit sang mga suspetsado.
Nakuha-an man sang CCTV footage ang nasambit nga insidente kun sa diin isa ka gray mini van ang gin-gamit sang mga suspek sa pagpalupok kag gilayon nga nagpalagyo.
Pilason naman ang duha ka escort ni Mayor Ampatuan samtang wala man sang na-agum nga pilas ang alkalde.
Gilayon naman nga nagpatigayon sang hot pursuit operation ang mga awtoridad kun sa diin napatay ang tatlo ka mga suspek sa engkwentro.
Nahibaluan nga ikatatlo na ini nga may nagtuyo sa pagpapatay sa Mayor.
Nagapadayon naman ang imbestigasyon para matul-id ang motibo sa insidente.
