Dakop ang tatlo ka mga wanted persons nga may kaso nga paglapas sa Article 302 sang Revised Penal Code ukon Robbery sa Brgy. Poblacion, Concepcion, Iloilo.
Ang mga nadakpan amo sanday Vonn Celestial, 21, kag residente sang Brgy. Batiti, Concepcion, Iloilo kag duha ka mga menor de edad.
Sa interview sang Bombo Radyo Police Master Sgt. Mark Gregory Barbo, imbestigador sang Concepcion Municipal Police Station, iya ginpahayag nga nadakpan ang tatlo matapos ginserbehan sang Warrant of Arrest.
Samtang, gintugyan na man sa Department of Social Welfare and Development (DSWD) ang duha ka menor de edad.
Samtang nakapyansa naman si Celestial sang P6,000 para sa iya temporaryo nga kahilwayan.
