Tatlo ka tawo ang patay kag anom ang pilason sa bungguanay sang bus kag nasugata nga Sports Utility Vehicle (SUV) sa Maharlika Highway sa Brgy. San Francisco, San Pablo City, Laguna.
Ang mga napatay amo sanday Jovan Fabricante, 41, Gian Vallermosa, 35 kag Rizaldy Sotalbo, 31; lunsay pasahero sang SUV.
Ang mga pilason amo sanday Melissa Fiel Tobias, pasahero sang SUV kag ang apat ka pasahero sang bus nga sanday Felicia Zamudi, 31; Flordeliza Lipat, 36, Mary Janapin, 22 kag ang isa ka tuig nga lapsag.
Ginpahayag nga tuman ka dasig ang dalagan sang SUV.
Ang bus ginamaneho ni Jose Bo Calisura, 30-anyos.
Gindala pa ang mga biktima sa ospital apang gindeklarar nga dead on arrival ang tatlo.
