Tatlo ka tawo ang patay samtang duha naman ang kritikal matapos nakabunggo sa duwa ka mga balay ang isa ka private van sa kilid sang highway sa Barangay Abuyon, San Narciso, Quezon.
Suno sa imbestigasyon sang San Narciso Municipal Police Station, halin sa town proper sang San Narciso ang mga biktima kag pauli na kuntani sa Abuyon sang gin-arado sang van ang duha ka mga balay.
Bangud sa impact, wasak gid ang van kag ang mga balay.
Ang mga napatay amo sanday Efren Balagosa Florencio Lumanglas, kag Merelyn Lumanglas nga pareho sakay sang van.
Maswerte naman nga wala sang napatay sa mga residente sang mga balay nga nabungguan.
Ginaimbestigaran pa kun human error ukon mechanical error ang rason sang aksidente.
