ILOILO CITY — Tatlo patay sa pagpangluthang kag pagpamuno sa bisperas sang fiesta sa Sitio Baron, Brgy. Jelicuon Montinola, Cabatuan, Iloilo.
Patay sanday Roger Someros, 32 anyos kag Juan Baron, 43 anyos lunsay pumuluyo sang Jelicuon Montinola kag Roger Ibarle, 43 anyos sang Janipaan Central sang nahinambitan nga banwa.
Sa exclusive interview sang Bombo Radyo kay  PCI Engelbert Banquillo, Hepe sang Cabatuan Municipal Police Station, nag-inom kag nagpinalupok si Someros, sa diin sang ginsaway ini kag ginpalapitan ni Ibarle, didto kag nagsugod ang komosyon sa tunga sang duha.
Pahayag pa sini, posible nga ginpulihan ni Ibarle kag kaupod sini nga si Baron nga may daan man nga hiligut-anun kay Someros gamit ang kutsilyo.
Nag-angkon sang pilas sa pagkabuno si Someros, si Ibarle naman ang may pilas sa pagkaluthang sa ulo kag wala nga dughan, samtang kay Baron amu ang pilas sa pagkaluthang sa wala nga bahin sang iya lawas kag paa.
Madumduman nga si Someros ang suspetsado man anay sa pagpatay sa pulis nga si Rex Delos Reyes sa Negros kag involve man sa pagpangluthang sa Pavia.