Patay ang tatlo ka mga drivers samtang tatlo ka iban pa ang pilason matapos gin-arado sang 10-wheeler truck ang anom ka mga salakyan sa Antipolo City, Rizal.
Ang mga napatay amo sanday Daniel Jose Aballa, 36, driver sang Isuzu dump truck; Raul Roxas, 42-anyos, kag Alexander Aragon, 57-anyos.
Pilason naman sanday Arbe Taller, 35-anyos, driver sang ikalawang dump truck; Rommel Ramos, driver sang Honda motorcycle, kag Jilian Cael Ogao, 23, driver sang Mitsubishi X-pander.
Naggwa sa imbestigasyon nga halin ang duha ka dump truck sa Montalban kag samtang yara sa dulhugon nga dalan padulong sa Antipolo City, nadulaan sang kontrol ang isa ka truck kag nagbunggo sa una nga truck.
Bangud sa impact, gin-arado man sang dump truck ang lima ka iban pa nga salakyan kalakip ang tatlo ka motorsiklo kag nagresulta sa trahedya.
