Nag-agum sang pilas ang tatlo ka mga indibdiwal matapos nga nadisgrasya ang pribado nga jeep sa Barangay Cagay, Alimodian, Iloilo.
Sa interview sang Bombo Radyo kay Police Captain Marion Asparo, hepe sang Alimodian Municipal Police Station, iya ginpahayag nga naghalin sa isa ka resort ang jeep kag may karga nga mga gamit sang catering services.
Suno kay Asparo, sang nag-abot ang jeep sa dulhogon nga parte sang nasambit nga barangay, nawad-an ini sang preno rason nga naglapaw ini sa kilid sang dalan.
Gin-athag man sang natungdan nga nakabunggo sa niyog ang jeep rason man nga nabuka ang salamin sa unahan nga bahin sini.
Gindala naman ang mga biktima sa ospital, samtang ang driver ang yara sa kustodiya sang Alimodian Municipal Police Station.
