Tatlo ka tawo ang pilason matapos naguba ang caterpillar ride sa isa ka carnival sa Población, Santa Maria, Bulacan.
Ang mga biktima amo sanday Lyra Borca, 30-anyos; Jefry Parulan, 47-anyos; kag Markus Martin, 4-anyos.
Suno sa imbestigasyon, nagasakay sanday Borca kag Martin sa amo nga ride sang hinali lang nagdasig ang dalagan sini kag nagtabog.
Nag-igo ang mga ini sa isa pa ka biktima nga si Parulan malapit sa ride.
Madasig naman nga gindala sa ospital ang mga biktima.
Mangatubang naman sang reklamo nga Reckless Imprudence Resulting in Multiple Physical Injury ang tag-iya kag empleyado sang carnival.
