ILOILO CITY- Nadakpan ang isa ka tattoo artist sa drug buy-bust operation sang Regional Police Drug Enforcement Unit 6 sa Brgy. East Timawa, Molo, Iloilo City.
Ang subject amo si Patrick John Guilaran, 20,residente sang SOS Children’s Village, Zarraga, Iloilo.
Sa interview sang Bombo Radyo kay Police Lieutenant Ryan Christ Inot, Team Leader sang Regional Police Drug Enforcement Unit 6, iya ginpahayag nga narekober kay Guilaran ang 60 gramos sang suspected shabu nga may estimated market value nga ₱408,000.
Suno kay Guilaran, isa man ka bulan nga ginpaidalom sa monitoring ang subject nga nagaserbe nga “kabayo” sang main source sang druga sa probinsya.
Magapangatubang si Guilaran sang kaso nga paglapas sa Republic Act 9165 ukon Comprehensive Dangerous Drugs Act of 2002.
