Arestado ang isa ka lalaki sa drug buy-bust operation sa Barangay Bugnay, Jordan, Guimaras.
Ang subject sang operasyon amo si Brian Quidato, 37, residente sang Sitio Dumalagdag sa amo nga barangay.
Sa interview sang Bombo Radyo kay Police Captain Kenneth Bermejo, hepe sang Jordan Municipal Police Station, iya ginpahayag nga anum ka sachet sang suspected shabu ang nakuha sa possession ni Quidato samtang P500 naman ang buybust money.
Santo sa pagpangusisa sang kapulisan, sa Iloilo City Proper ginakuha ni Quidato ang suplay sang iligal nga droga kag ini ang iya ginabaligya sa banwa sang Jordan.
Suno kay Bermejo, isa ka tattoo artist si Quidato kag madugay na suno sa iya gina-monitor sang otoridad bangud nagasuplay ini sang droga kun diin siya nagatrabaho.
Subject man ini suno kay Bermejo sa Oplan Tokhang sang una apang ginapahayag nga nakapalagyo.
Nagpamalibad naman si Quidato sa paghatag sang komento sa Bombo Radyo.
