ILOILO CITY- Wala pa natumod sang kapulisan kun sin-o ang tawo nga nagtiro sa nagakatulog nga lalaki sa Sto. Niño Sur, Arevalo, Iloilo City.
Ang biktimo amo si Allan Taso, 53, residente sang nasambit nga lugar.
Sa interview sang Bombo Radyo kay PLt. Benjie Ballejera, hepe sang Arevalo Police Station,iya ginpahayag nga ginsulod sang suspek ang balay sang biktima kag hinali lang nga gintayaan sang pusil sa dughan kag maswerte nga natapi sang biktima ang pusil kag nag-igo sa iya tuo nga paa.
Madasig naman nga nagpalagyo ang wala makilala nga lalaki.
Ginalantaw nga motibo sa pagtiro sa biktima ang daan nga hiligut-anon.
Ginapahayag nga home-made nga de-dose ang gin-gamit sa pagtiro sa biktima.
