ILOILO CITY – Nag-lapse na bilang isa ka layi ang hagna nga ginpasar sang Kongreso nga palawigon ang pag-avail sang estate tax amnesty nga wala sang pirma ni Presidente Ferdinand Marcos, Jr.
Ini ang nangin layi sang Agosto 5.
Ang Republic Act No. 11956 nga nagapalawig sang pag-avail sang estate tax amnesty tubtob sa Hulyo 14, 2025 ang gin-upload sa Official Gazette sang Agosto 8.
Katuyuan sini nga ma-expand ang coverage sang tax amnesty kag ilakip ang estates sang mga napatay antes ang Mayo 31, 2022.
Nakabutang sa bag-o nga layi nga ang estate tax ang mahimo bayran pinaagi sa installment sa sulod sang duha ka tuig nagikan sa statutory date para sa pagbayad nga wala sang civil penalty kag interest.
