ILOILO CITY – Nagtaas ang kita sang pungsod bangud sang comprehensive tax reform program sang Duterte administration suno sa Department of Finance.
Humalin sang 2018 tubtob 2021, nagtaas ang kita sang gobeyerno sa P575.8 billion.
Sa gin-publish nga annual report sang DOF, ang Tax Reform for Acceleration and Inclusion (TRAIN) Act, dugangan pa sang tax amnesty programs kag “sin” tax laws sumugod sang 2018 ang nakakita sang P68.4 billion sa incremental revenues sang 2018; P134.7 billion sang 2019; P144 billion sang 2020; kag P228.6 billion sang nagligad nga tuig.
Humalin sang 2018 tubtob 2021, ang bag-o ukon ang mas mataas nga buwis ang nagikan sa rationalized personal income tax rates sa idalom sang TRAIN law ang naka-generate sang P476.1 billion sa additional collections.
Ang duha ka tax amnesty programs sa delinquencies kag estate tax humalin sang 2019 tubtob 2021 ang nag-collect sang P14.6 billion.
Ang sustained annual increases sa excise tax ang nagikan sa sigarilyo, e-cigarettes kag makahulubog nga ilimnon humalin sang 202o tubtob 2021 ang naka-collect sang additional nga P85 billion halin sa ginatawag nga sin products.
Suno sa DOF, ang excise tax sa sin products ang magapadayon sa pagsaka kada tuig santo sa Republic Act (RA) Nos. 11346 kag 11467.
Dugang pa sang DOF, subong man nga administrasyon na-record ang pagsaka sang buwis sa sin products sa makatatlo ka beses.
Apang, sa estimate sang DOF, bangud sang COVID-19, naglab-ot sa P1.71 trillion ang kapyerdehan sang pungsod humalin sang 2020 kun sa diin, P785.6 billion ang nadula sa tion sang recession post-war kag P928.4 billion sang nagligad nga tuig bangud sang mas ginpalawig nga pandemic restrictions.
