Nagahingyo ang pila ka mga taxi drivers nga nagabyahe diri sa syudad sang Iloilo kay Mayor Raisa Treñas nga hatagan man sila sang fuel subsidy nga taga-probinsya sang Iloilo.
Sa interview sang Bombo Radyo kay Roger Aquino, isa ka taxi driver, iya ginpahayag nga bangud sa mabudlay nga sitwasyon sa pagtaas sang gatong, wala na sila naga-roving.
Suno pa sa iya nga kun kaisa nagahulat na lang sila sang masobra tatlo ka oras antes sila makakita sang pasahero.
Ginpahayag man sini nga sang una makakita pa sila sang masobra 1,200 pesos apang subong nga mataas ang presyo sang gatong ang makuha na lang sini sa iya pagbyahe 500 pesos.
Nagpangabay man ini sa gobyerno nga kuntani mabuhinan lang ang presyo sang gatong kun indi man madugangan ang pagsaka sang plete para sa ila nga mga taxi drivers.
Dugang pa sini nga sa kadugayon na sini nga nagabyahe sa syudad sang Iloilo, kuntani hatagan man sila igtalupangod ni Mayor Treñas nga makabaton sang fuel subsidy bangud nagakinahanglan man sila sang bulig halin sa syudad.
