Naghimo sang maragtas si Taylor Swift bilang labing-una nga artist sa Grammys nga nakakuha sang apat na ka Album of the Year awards!

Sa seremonya nga ginpatigayon sa Los Angeles California kahapon, Pebrero 5 sang aga (oras sa Pilipinas), ginpasalamatan sang 34-anyos nga singer-songwriter ang iya longtime collaborator kag mga nagbulig sa iya sa album lakip na ang close friend sini nga si Lana Del Rey nga naka-feature man sa track nga “Snow on the Beach.”

Magluwas sa “Midnights” nga amo ang nadag-an sang Anti-Hero subong nga tuig, ginhingadlan man anay nga Album of the Year ang “Fearless” (2010), “1989” (2016), kag ang “Folklore” (2020).

“For me, the award is the work,” suno kay Swift. “All I want to do is keep being able to do this. I love it so much. It makes me so happy. It makes me unbelievably blown away that it makes some people happy who voted for this award too.”

May pa-sorpresa man ini sa fans bangud sa pag-anunsyo sang release sang iya masunod nga album nga “The Tortured Poets Department” nga balantayan sa Abril 19.

Espesyal man ang natabo sa awarding bangud ang nag-presentar sang award para kay Taylor amo ang 55-anyos nga “My Heart Will Go On” singer nga si Celine Dion. Naga-suprer si Celine sang stiff person syndrome, isa ka tumalagsahon nga neurological disorder nga nagaapekto lamang sa isa ukon duha sa isa ka milyon ka tawo.

“When I say that I’m happy to be here, I really mean it from my heart,” malipayon nga pahayag sang Canadian singer sa atubang sang audience.

Yari ang nakabaton sang top awards sa Grammys 2024:

Album of the year – Taylor Swift, Midnights
Record of the year – Miley Cyrus, Flowers
Song of the year – Billie Eilish, What Was I Made For?
Best new artist – Victoria Monét

(PHOTO: CBS)